Watu wane wameuawa baada ya watu
waliojihami kwa bunduki kuwafyatulia risasi ndani ya kanisa karibu na mji wa
bandari ya Mombasa nchini kenya.
Watu wengine kumi na saba
wamejeruhiwa.
Maafisa wa polisi katika wilaya ya
Likoni ambayo iko kusini mwa Mombasa wamesema kuwa majambazi hao walilivamia
kanisa hilo na kuanza kuwafyatulia risasi waumini hao kiholela.
Usalama umeimarishwa katika eneo hilo
kufuatia kutiwa mbaroni kwa watu wawili siku ya Jumatatu ambao polisi wanadai
walikuwa wakimiliki mabomu yaliofichwa ndani ya gari yao.
Kumekuwa na visa tofauti vya ghasia
mjini Mombasa katika miezi ya hivi karibuni vinavyoshirikisha vikosi vya
usalama na Waislamu wenye itikadi kali.
Chanzo: BBC Swahili
No comments:
Post a Comment