Speech by Dr Slaa at The University of Samford, USA

Mr. President, the faculty, staff, students, invited guests and the public at large. Allow me to express my gratitude, for the cordial welcome at your lovely campus. It is one of a kind, and If I could, I would have stayed much longer to learn more on your success that I could take back to our young people. The environment and the surroundings are as beautiful as the people themselves. Along the way, I have met great people with great hearts, and I thank you for that

Likewise, receive greetings from the people of Tanzania. I was quite impressed with your level of research, and the homework you have done trying to know Tanzania, I was also particularly touched by some of you in the audience that knew the geography of my country; and even trying to challenge me . Mrs. Macquire, "People of Mto wa Mbu" are definitely proud of you for being such a good Ambassador. 

We thank you, and Tanzania needs more of you that will help in exposing it to the people of America

The Samford community, my journey has been long and tedious; I have travelled through hills and valleys of trials and tribulations. However, due to the need and challenges we face as a nation, physical fatigue of travel would not stop me from marching forward. I am determined to work with my countrymen to see our nation of Tanzania reach the Promised Land.

Tanzania is a great and rich country, with rich culture and rich people at heart. Her people have sent me on a study tour. They have sent me to learn the secrets of your success as a society

Tanzania is one of the most blessed countries on the face of the earth. It has abundance of natural wealth, and for those who understand the world history, know that the best game parks are in Tanzania. It is the place believed to be the cradle of mankind.

Tanzania is the home of Mt. Kilimanjaro, Serengeti national park, Ngorongoro crater, and Olduvai Gorge where the first man is believed to have lived. We have some of the world best beaches; our people are very hospitable and extremely welcoming. I welcome all of you to Tanzania

For a long time, Africa has been known as a dark continent infested with disease, poverty, starvation, illiteracy and never endings wars. This might have been created in your minds with the images in your televisions. I can't blame you, because this is the truth you know

However, this is far from the reality. Africa and Tanzania in particular is the new frontier. Tanzania is a country rich in natural resources and only lacks human capital. It is a country with rich land and plenty of water bodies
Many African leaders are believed to come to Washington and other western capitals begging for handouts known as foreign aid. This has created a notion in the minds of many that Africans are poor and lazy.

This is not the case.

Africa is transitioning from mismanagement, dictatorship and corruption that have plagued the continent. Corruption is the main vice depriving Tanzanians and other Africans a chance to a better education, better healthcare and economic prosperity.

Well, I am not here to beg, because my country is rich. I know clearly well that, foreign aid does not come cheaply. It comes with a condition of signing up our sovereignty

I am not here for foreign aid, and CHADEMA party which I represent does not believe on foreign AID. 

This is my party's philosophy, and any sane human being would not want to live off handouts, or going around begging because foreign aid is only needed as short term relief for countries coming out of calamities. Rwanda needed help to so it could emerge out of the ruins of genocide. Once it did, it became less interested on the foreign aid now a success economic story in Africa

Foreign aid is a form of slavery which creates a false sense of entitlement. It confines a beggar into a psychological and mental prison of his own creation, becoming incapable to make any meaningful decision of his own. He does not think on how to get out of his difficulties as long as he knows that, someone somewhere will help him.

CHADEMA party believes that all too often, foreign aid creates dependency by the receiving country onto the giving country and winds up in the pockets of corrupt rulers.

Foreign aid money are your taxes, your sweat which should work for your benefit not for people sitting on their wealth. More important than your dollars, are your brain trust, investments and technological advantage. This is what we need to utilize our resources and also in planning for years beyond our non-renewable resources

Our country rich in resources is being exploited by foreign entities, while our President is busy trotting the world begging for mosquito nets. With our resources, we can make our own mosquito nets without them being donated to us. Chadema party which I represent is poised to changed that, and the most important tool we need is the development of human capital

We need our resources to benefit our people. We need to create jobs for our people, we need to improve our health care, we need to improve our education, our infrastructures, communication and economy as a whole. And this is only possible if can with the wealth that we have all we need is better education for our people

We are currently having inequitable trade, where far eastern countries are exporting their poor populations to compete for jobs with our citizens. 

They are even exporting to us their prisoners to work on our roads yet millions of our young men have no jobs. This is not possible in any civilize society, unfortunately, because our rulers have signed contacts shrouded in secrecy whose contents are only known to them

Some of these individuals have turn to insult us as a nation. They are now interfering on our sovereignty, publicly aligning themselves with political parties. A whole ambassador standing on a political platform to address a political rally, and has ignored the public call for him to leave the country!

This is not the kind of trade we are looking for. We are looking for partners that will work with us to develop our resources in order to benefit our people; Partners that will bring to our country new skills, and also create jobs for our graduates. We need your expertise so we can turn our country into a bread basket of Africa. America is the world's land of milk and honey where everyone wants to be, that's the model we want to learn from

Well, we have come to realize, that if you feed us today with your milk and honey, our meals for tomorrow may not be guaranteed. We instead want to know how you made your country into a land of milk and honey so we can be able to feed ourselves for unforeseeable future and also feed the rest of the world. We have the potential but lack the expertise, and the know how is what we need

Tanzania is not an island; it is part of the global community where all humans have the liberty to visit whenever they want. Our boarders are open for all, as long as our laws and culture are respected. All we need is trade partnership that will guarantee fifty-fifty trade, in which the country benefits equally with the investor.

The younger American generation, I am inviting you to visit Tanzania; I am talking to you as the investors of tomorrow. Come and explore the endless possibilities my country has for you. We need investors that will bring into our country, a set of skills and creativity to turn our hardwood into high quality, made in Tanzania products, as opposed to bringing cheap furniture made of plywood while hauling away our valuable timber

Chadema party believes on the free market economic philosophy in which individual creativity is rewarded. We need your partnership in fostering individual innovation within our people. We don't need your tax money; neither do we need your mosquito net donations, we need your skills.

We don't need shoe boxes, we need to know how to make our own shoes. We need your technological know how
CHADEMA party's priority number one is education! Priority number two is education and so is the priority number three.

We believe on education to be the only way for Tanzania to rise from the abject poverty it is in today. We have no alternative but train our young people who will in turn, employ their intellectual creativity into full practice to enable Tanzania become an economic giant in a continent long forgotten

Samford is one of the American's finest educational institutions. It is producing some of the world finest, from school teachers to the finest lawyers. It is my hope that we see your institution open its doors to our support and in preparing Tanzania's aspiring scientists, teachers, and accountants to become innovators.

In our effort to make our country a unique success story, I am challenging you the young people to go out to the world, and open new trails for others to follow. Tanzania has its doors open for you

Thank you all for listening.

Source: http://www.wavuti.com

Asilimia 50 ya marubani wanaoendesha ndege zinazofanya kazi hapa nchini, ni wa kigeni.

Mamlaka ya Usafiri wa Anga Tanzania (TCAA), imesema ajira ya marubani wazalendo ipo mashakani kwa sababu ndege nyingi nchini, zinaongozwa na wageni.TCAA imesema hali hiyo imekuwa ikichangiwa na kampuni zinazotoa huduma hizo nchini, kutumia ndege nyingi za kukodi zinazofanya kazi chini ya masharti yanayotoa nafasi kubwa ya kuongozwa na marubani wa kigeni.

"Ndege ni ghali sana na wengi walioko kwenye sekta hii wanakopeshwa na kupewa masharti,"alisema Mkurugenzi Mkuu wa TCAA, Fadhili Manongi, alipokuwa akizungumza katika mahojiano na gazeti hili.

Alisema karibu asilimia 50 ya marubani wanaoendesha ndege zinazofanya kazi hapa nchini, ni wa kigeni.

Manongi alisema ingawa mikataba kuwabana, kigezo cha uzoefu pia ni kikwazo kwa marubani wengi wazalendo.

"Wengine wanashindwa kupata ajira kutokana na kutokuwa na saa zinazohitajika ili mtu aweze kurusha ndege za biashara," alisema.

Kwa mujibu wa mkurugenzi huyo, kwa sasa Tanzania ina marubani 500 na katika miaka mitatu ijayo watafikia 700.

Alisema kwa jumla sekta ya usafiri wa anga ina upungufu wa wataalamu kama wahandisi na marubani lakini shida kubwa inawahusu zaidi marubani.

Manongi alisema kwa kuzingatia hali hiyo, TCAA ipo kwenye mikakati ya kuboresha sekta ya marubaini nchini ili pamoja na mafunzo, pia wapate uzoefu utakaowawezesha kutoa ushindani kwenye soko la ajira ndani na nje ya nchi.

NAIBU WAZIRI WA ELIMU MULUGO ATAKA WALIOKOSA MIKOPO KUJISOMESHA

Na Gladness Theonest
Serikali imewataka wanafunzi waliokosa mikopo kwa ajili ya masomo vyuo vikuu kurudi nyumbani na ikiwezekana wakauze viwanja au ng'ombe ili waweze kujisomesha kwani bajeti iliyopo haitoshi.Kauli hiyo ilitolewa Dar es Salaam jana na Naibu Waziri wa Wizara ya Elimu na Mafunzo ya Ufundi, Philip Mulugo,wakati akizungumza na wanafunzi waliokosa mikopo ambapo kwa takriban wiki nzima wamepiga kambi wizarani hapo.

"Kasungura kadogo na mkumbuke kuwa mkopo ni kuomba kuna kupata na kukosa...hivyo wale waliokosa na walikuwa na vigezo watafute watu wengine wenye uwezo wawasomeshe kwa mwaka mmoja na unaofuata watume tena maombi," alisema.

Alisema kilio chao amekisikia na leo atazungumza na Waziri Mkuu, Mizengo Pinda, kuhusiana na malalamiko yao ambapo suala hilo litapelekwa Bungeni ili kujadiliwa.

"Kama Bunge litaamua kupunguza fedha kutoka kwenye bajeti zingine ili kusomesha wanafunzi hao. Bunge litaamua kwani Serikali ina nia nzuri sana kwani hadi sasa imetoa trilioni 1.5, lakini ndugu zenu hawarudishi," alisema.

Alitaja sababu nyingine ya wanafunzi kukosa mikopo ni Serikali kuangalia uhitaji, kwani kuna masomo maalumu walilenga hasa fani zenye upungufu wa wataalamu.
Alitaja fani hizo kuwa ni ualimu, udaktari na wahandisi. Alitaja sababu nyingine za wanafunzi kukosa mikopo hiyo ni waombaji kukosea majina na vitu vingine vidogo vidogo na walipotangaziwa kwenye vyombo vya habari warudi kurekebisha fomu zao hawakufanya hivyo.

Alisema waliokosea kujaza fomu hizo walikuwa 6,000 lakini waliorudi kufanya marekebisho walikuwa ni 3,000 na wengine 2,000 walikuwa na vigezo lakini wamekosa kutokana na sungura kuwa mdogo (bajeti).

Wanafunzi waliokosa mikopo walisema kama wenzao wameweza kupata mikopo kwa asilimia 100 basi waangalie namna ya kugawana ili wote waweze kupata

Share on facebook:CHANZO MAJIRA

 

TAZARA YAPATA VICHWA SITA VYA TRENI

Madereva na Mafundi wa Treni za TAZARA wakiwa katika moja ya vichwa sita vipya vya Treni ambavyo vimeletwa Tanzania na wapo katika mafunzo ya jinsi ya kuvitumia. (HM)

SHIRIKA la reli ya Tanzania na Zambia (TAZARA) limepata vichwa sita vya Treni vipya kutoka nchini China vyenye uwezo wa kubeba tani 1800 kila kimoja.

Kufuatia kutolewa kwa vichwa hivyo vya Treni vipya, madereva 160 na mafundi 80 wa karakana ya Treni Iyunga mkoani Mbeya wanapatiwa mafunzo yakakayo wawezesha kufanya kazi kwa umakini katika vichwa hivyo.

Akitoa maelezo ya ujio wa vyicho hivyo Mhandisi Mwandamizi katika karakana na Iyunga Eng. Davie Tembo alisema kuwa vichwa hivyo vya treni vyenye uwezzo wa kubeba Tani 1800 vimeletwa Juzi katika karakana hiyo.

Alisema kuwa vimetoka nchini china na ni toleo jipya ambalo linahitaji madereva na mafundi kujifunza kabla ya kuanza kutumia kwani linatumia mfumo mpya.

Tembo alisema kuwa kampuni ya CSR Qishuyan ya nchini China ndio iliyo tengeneza vichwa hivyo na inatoa mafunzo kwa madereva na mafundi jinsi ya kuvimudu vichwa hivyo.

Alisema kuwa wamevijaribu vichwa hivyo na kuviona vinafaa kwa matumizi na havina shida yoyote.

Awali akifungua mafunzo kwa madereva hao Naibu Mkurugenzi Mtendaji wa TAZARA, Said Sauko alisema kuwa mafunzo hayo yatalenga kwa Wafanyakazi wa TAZARA watakao kuwa katika makundi saba ambapo kila kundi litakuwa na watu wasio pungua 40.

Alisema kuwa mafunzo hayo yatatolewa kwa muda wa mwezi mmoja na yamelenga kwa wafanyakazi kutoka Tanzania na Zambia. Chanzo: Furahia Eliab, Mbeya

SERIKALI KUENDELEA KUWAWEZESHA VIJANA KIUCHUMI.

Na. Aron Msigwa, Iringa

Wakati maadhimisho ya Wiki ya Vijana kitaifa yakiingia siku ya tatu mkoani Iringa Serikali imewahakikishia vijana kuwa itaendelea na mkakati wake wa kuwawezesha vijana kiuchumi kwa kuwapatia mikopo ili waweze kukabiliana na changamoto mbalimbali za kimaisha na kuondokana na umasikini.

Akizungumza na Vijana wanaoshiriki maadhimisho hayo mkoani Iringa Naibu Waziri wa Habari, Vijana, Utamaduni na Michezo Mh. Amos Makala amesema kuwa serikali katika kuhakikisha inatimiza lengo hilo kwa kuanzia imetenga kiasi cha shilingi bilioni 6.1 katika bajeti ya mwaka 2013/2014 ili kuwawezesha vijana kote nchini.

"Jambo hili la kuwawezesha vijana tunalipa uzito mkubwa na kwa kuanzia katika bajeti ya mwaka huu tumetenga kiasi cha shilingi bilioni 6.1 kuwawezesha vijana, ni mwanzo mzuri pamoja na kuwa tunahitaji kufanya zaidi" amesema

Amefafanua kuwa kiasi hicho cha fedha kitatolewa kwa vijana walioamua kujishughulisha na wenye mawazo ya kujikwamua kiuchumi na kuwataka vijana kote nchini kutumia fursa ya mikopo wanayopata kuitumia katika kufanya shughuli za maendeleo.

"Nawaomba vijana muepuke kutumia fedha hizo katika anasa na mambo mengine yasiyokusudiwa yanayowafanya mjikute mmeingia katika matatizo ya madeni na kuendelea kuwa maskini" amefafanua

Hata hivyo amesema serikali kwa kuliona jambo hilo imeandaa mpango wa kuwapatia elimu vijana ili waweze kuzitumia ipasavyo fursa za maendeleo zilizopo na waweze kujiandaa kunufaika na kiasi hicho cha fedha zilizotengwa pia inafanya jitihada za kuboresha vyuo vya vijana pamoja na kuongeza idadi ya walimu wa vyuo hivyo.

"Nataka niwahakikishie kuwa serikali inaendelea kuviboresha vyuo vyetu vya ndani ikiwa ni pamoja na kushirikiana na nchi marafiki ambapo kwa kushirikiana na Afrika ya Kusini tunaandaa utaratibu wa kupeleka walimu wetu ili waweze kusoma huko na kuja kufundisha vijana katika vyuo vyetu" amesema.

Mh. Makala ameongeza kuwa tayari serikali katika kushughulikia tatizo la ajira hasa kwa vijana wanaohitimu masomo ya elimu ya juu kwa kuzungumza na baadhi ya taasisi za fedha zikiwemo benki za NMB, EXIM Bank na CRDB ili ziweze kutoa mikopo kwa vijana hao kwa dhamana ya vyeti vyao na kubainisha kuwa tayari baadhi ya benki zimekwisha anza zoezi la kuwakopesha vijana kwa kutumia dhamana ya vyeti vyao.

Aidha kuhusu maadhimisho ya Wiki ya Vijana kitaifa amesema kuwa inatokana na uamuzi waserikali uliofanyika mwaka 1999 mjini Dodoma wa kuhakikisha kuwa kila mwaka vijana wanapata fursa ya kujumuika pamoja katika maadhimisho hayo.

Aidha amewashukuru viongozi wa mkoa wa Iringa kwa maandalizi mazuri waliyoyafanya ya kwa kushirikiana na viongozi wa Wizara ya Habari Vijana , Utamaduni na Michezo kuhakikisha kuwa shughuli za Wiki ya Vijana na kilele cha mbio za Mwenge wa Uhuru tarehe 14/10/2013 zinafanikiwa kwa kiwango kikubwa.

"Sisi kama viongozi wa Wizara ya Habari, Vijana, Utamaduni na Michezo tunawashukuru sana viongozi wa Iringa kwa ushirikiano mlioutoa katika kufanikisha shughuli hizi za Wiki ya Vijana kitaifa, na ni matumaini yetu kuwa tarehe 14 mwezi huu wananchi wengi zaidi watajitokeza katika kilele cha Mbio za Mwenge wa Uhuru 2013" amesema Mh. Makala.

Kaimu Mkurugenzi wa Idara ya Maendeleo ya Vijana Bw. James Kajugusi amesema kuwa maadhimisho ya mwaka huu yanalenga kuwafanya vijana kujitambua na kuwakumbusha kuzitumia fursa za kimaendeleo zilizo katika maeneo yao kujiletea maendeleo.

Amesema katika maadhimisho ya mwaka huu licha ya kuwepo kwa maonyesho ya bidhaa mbalimbali zilizotengenezwa na vijana kutoka mikoa mbalimbali nchini vijana watapata fursa ya kujadili mada mbalimbali katika midahalo ikiwemo mada ya kuujua mkoa wa Iringa na fursa za kimaendeleo na ajira zilizopo katika mkoa wa Iringa, pia huduma za hifadhi ya jamiii na maendeleo ya vijana,nafasi ya vijana wa Tanzania katika kutunza amani na upimaji wa hiari wa maambukizi ya Virusi vya Ukimwi.

Naye Mkuu wa Mkoa wa Iringa Dkt. Christine Ishengoma amesema kuwa mkoa wa Iringa utaendelea kutoa msukumo kwa vijana ili waweze kujiletea maendeleo kutokana na fursa zilizopo ndani ya mkoa huo.

Ameongeza kuwa mkoa huo kwa muda mrefu umekuwa na jukumu la kuwaandaa vijana kuwa watu wanaojitegemea, kuwa viongozi na watoa maamuzi sahihi, wajasiriamali na wazazi wanaowajibika na kuongeza kuwa serikali ya mkoa kwa kushirikiana na wadau mbalimbali wameendelea kutoa elimu kwa vijana kuhusu uzazi salama, ujasiriamali na kujikinga dhidi ya maambukizi ya Ukimwi.

Dkt. Ishengoma ameeleza kuwa mkoa wa Iringa umeanzisha mfuko wa kuwawezesha vijana kwa kuwapatia mikopo na mitaji ya kuendesha miradi midogo midogo ya kiuchumi na kuondoa tatizo za utegemezi na tayari vikundi vipatavyo 70 katika halimashauri za mkoa wa Iringa katika mwaka 2012/2013 vimepatiwa kiasi cha zaidi ya shilingi milioni 116.

Waziri mkuu wa Libya Zaidan aachiliwa

Waziri mkuu wa Libya ameachiliwa saa chache baada ya kutekwa nyara na watu wanaominika kuwa wapiganaji wa kiisilamu. Hii ni kwa mujibu wa serikali ya Libya.

Ali Zeidan alitekwa nyara na kundi la waasi waliokuwa na uhusiano na serikali kwa jina Revolutionaries Operations Room.

Walisema walimteka nyara kwa maagizo ya mwendesha mkuu wa mashtka ingawa wizara ya sheria imekanusha madai hayo.

Kundi hilo lilikuwa miongoni mwa makundi ya wapiganaji walioghadhabishwa na hatua ya makomandao wa Marekani kumkamata Anas Al-Liby mshukiwa wa kundi la kigaidi la al-Qaeda.

Wengi walitaja hatua ya Marekani kama ya kuingilia uhuru wa taifa hilo na kata kutaka maelezo kutoka kwa balozi wa Marekani nchini humo.

Mwandishi wa BBC mjini humo anasema Zeidan alitekwa nyara akiwa ndani ya hoteli ya kifahari anamoishi.

Serikali imekuwa ikikabiliwa na shinikizo kali baada ya makomando wa Marekani kumkamata mmoja wa viongozi wa al-Qaeda Anas al-Liby nchini Libya.

Bwana Liby alikamatwa Jumamosi mjini Tripoli kwa madai ya kuhusika na mashambulizi ya kigaidi yaliyofanywa dhidi ya balozi za Marekani nchini Tanzania na Kenya mwaka 2008.

Mnamo siku ya Jumatatu Libya ilimhoji balozi wa Marekani kuhusu kukamatwa Al Liby.

Kwa upande wake Zeidan alitoa wito kwa Marekani na nchi za Magharibi kuisaidia serikali ya Libya kukomesha vitendo vya wapiganaji wenye itikadi kali nchini humo.

Kwenye mahojiano na BBC, alisema kuwa Libya inatumiwa kama kambi ya kuweka silaha.

Waziri mkuu aliambia BBC kuwa nchi yake inatumia kama kivukio cha kusafirishia silaha kwenda katika maeneo mengine ya kanda hiyo.

Taylor kutumikia kifungo Uingereza

Aliyekuwa Rais wa Liberia Charles Taylor atatumikia kifungo chake cha miaka 50 jela nchini Uingereza baada ya kupatikana na hatia ya uhalifu wa kivita.

Haya ameyasema waziri wa sheria nchini Uingereza Jeremy Wright.

Sweden na Rwanda pia zilikuwa zimeomba kumfunga jela Taylor katika ardhi yao baada ya rufaa yake kukataliwa na mahakama mwezi jana.

Taylor alihukumiwa kifungo cha miaka 50 jela na mahakama maalum ya Umoja wa Mataifa kuhusu Sierra Leone, mjini Hague.

Iliamua kuwa makosa dhidi yake yalithibtishwa bila tashwishi.

Alihukumiwa jela mwaka 2012 kwa kuwasidia waasi waliofanya maasi makubwa dhidi ya watu wa Sierra Leone wakati wa vita vya wenyewe kwa wenyewe nchini humo.

Taylor, mwenye umri wa miaka 65, alipatikana na hatia ya kuwapa waasi wa Revolutionary United Front silaha na wao wakimpa almasi kutoka Sierra Leone.

MAGAZETINI LEO ALHAMISI 10-10-2013 NA Chiwambo's Blog

Watu 20 wauwawa katika uvamizi wa jengo la maduka Nairobi

Watu wenye silaha wavamia jengo la maduka mji mkuu wa Kenya Nairobi (21.09.2013) na kuuwa takriban watu 20 na kujeruhi wengine zaidi ya 50 kwa kile serikali inachosema linaweza kuwa shambulio la kigaidi.

Wafanya manunuzi walikimbia jengo la Westgate. (21.09.2013).

Watu wengine wengi walikimbilia barabarani, madukani na sinema kusalimisha maisha yao.Kundi la wanamgambo wa Somalia la Al Shabaab lilikuwa limetishia kushambulia jengo hilo la maduka la Westgate ambalo ni mashuhuri kwa jumuiya ya wataalamu wa kigeni mjini humo.Lakini hakuna kundi lililodai mara moja kuhusika na shambulio hilo na Al Shabaab imekataa kuzungumzia shambulio hilo.

Helikopta za polisi zilikuwa zikizunguka juu ya anga ya eneo la jengo hilo wakati polisi wakisikika wakipiga makelele wakitaka watu watoke nje ya jengo hilo na huku watu wengi waliokuwa wakifanya manunuzi wakilikimbia jengo hilo.Moshi ulikuwa ukifuka kwenye mlango wa jengo hilo na watu walioshuhudia tukio hilo wamesema walisikia miripuko ya maguruneti.

Wengine wamesema wamewaona watu watano wenye silaha wakilivamia jengo hilo la maduka la Westgate na kwamba linaonekana kuwa ni shambulio na sio wizi wa kutumia silaha.

Milio ya risasi ilikuwa ikisikika kutoka hapa na pale ikiwa ni saa mbili baada ya mashambulio ya risasi kuanza wakati polisi ikilipekuwa jengo hilo wakiwasaka washambuliaji kutoka duka moja hadi jengine.

Watu wanashikiliwa mateka

Baadhi ya vituo vya televisheni nchini humo vimeripoti kwamba kulikuwa na watu waliokuwa wameshikiliwa mateka lakini hakuna uthibitisho rasmi kutoka serikalini.

Yukeh Mannaseh ambaye alikuwa ghorofa ya juu ya jengo hilo wakati mashambulizi hayo ya risasi yalipoanza amekaririwa akisema "Hawaonekani kama majambazi,hilo sio tukio la wizi". Ameendelea kusema kwamba "Inaonekana kama ni shambulio.Walinzi waliowaona wamesema walikuwa wakifyatuwa risasi ovyo."

Shahidi mwengine aliyejitambulisha kwa jina la Taha amesema amesikia milio ya breki za gari iliofuatiwa muda mfupi baadae na mripuko na milio ya risasi katika ghorofa ya chini ya jengo hilo.Mtu mwengine aliyenusurika katika shambulio hilo amesema amepigwa risasi na mtu mwenye sura ya Kisomali.

Baadhi ya watu waliokuwa wakifanya manunuzi kwenye jengo hilo walikimbilia ngazini na kwenye lifti na kujicha kwenye ukumbi wa sinema wa jengo hilo wakati wengine polisi iliwagunduwa wakiwa wamejificha chooni kwenye ghorofa ya kwanza ya jengo hilo.

Takriban watu 24 waliojeruhiwa walitolewa nje kwa machela na vigari vya kufanyia manunuzi.Wengi wa wahanga walikuwa na majeraha mengi madogo madogo waliyoyapata kutokana na vitu vilivyorushwa kutokana na mripuko.Wengine walitoka nje wakitembea wenyewe kwa miguu huko nguo zao zilizorowa damu zikifunika majeraha yao.

Shirika la Msalaba Mwekundu la Kenya limeliambia shirika la habari la Uingereza Reuters kwamba takriban watu 15 wameuwawa na kuna uwezekano wengine waliouwawa bado wangaliko ndani ya jengo hilo.Katibu Mkuu wa Chama cha Msalaba Mwekundu nchini Kenya Abbas Gullet amesema idadi ya maafa na majeruhi ni kubwa na ile waliyokuwa nayo ni ya wale walioko nje. Gullet alitowa kauli wakati milio ya risasi ilipokuwa ikiendelea kurindima ndani ya jengo hilo.

Kuna maafa ndani ya jengo

Kenya imekuwa ikilaumu kundi la al Shabaab na wafuasi wao kwa mashambulio kadhaa ya risasi, mabomu na maguruneti dhidi ya makanisa na vikosi vya usalama tokea jeshi la Kenya lilipoingia Somalia kusaidia kupambana na wanamgambo wenye mafungamano na kundi la Al Qaeda miaka miwili iliopita.

Al Shabaab huko nyuma ilitishia kushambulia majengo ya ghorofa refu mjini Nairobi na maeneo ya starehe na burudani vikiwemo vilabu vya usiku kucha na mahoteli ambayo hupendelewa na watu wa mataifa ya magharibi walioko katika mji mkuu huo. Lakini hadi sasa wameshindwa kufanya mashambulizi ya aina hiyo.

Mwanajeshi mmoja wa zamani wa Uingereza aliyekuweko katika eneo hilo amesema yeye mwenyewe binafsi aliyapapasa macho ya watu wanne na walikuwa tayari wamekufa akiwemo mtoto mmoja.

Amesema kuna mauaji makubwa kwenye jengo hilo.

Mwanamgambo mmoja wa jeshi la serikali alipoulizwa iwapo hilo lilikuwa ni tukio la wizi amejibu "Hapana huo ni ugaidi".Hata hivyo hakuna taarifa rasmi kutoka kwa polisi kuhusiana na dhamira ya washambuliaji hao.

Polisi imelizingira jengo na barabara zilioko karibu na jengo hilo lilioko kwenye kitongoji cha Westlands katikati ya mji wa Nairobi.Wizara ya mambo ya ndani imesema huenda hilo ni tukio la kigaidi na tayari jeshi la Kenya limefika katika eneo la mkasa kushirikiana na polisi kudhibiti hali hiyo.

Mwandishi : Mohamed Dahman/Reuters

Mhariri:Caro Robi

Chanzo: DW/De/Kiswahil

Mbowe, Mbatia, Profesa Lipumba wamvaa IGP

Mkuu wa Jeshi la Polisi, Inspekta Jenerali Said Mwema (kulia) akiagana na Wenyeviti wa Vyama vya Siasa, Profesa Ibrahim Lipumba wa CUF (kushoto)Freeman Mbowe wa Chadema (wapili kulia) na James Mbatia wa NCCR-Mageuzi, jijini Dar es Salaam jana. Picha Fidelis Felix

Dar es Salaam. Vyama vya siasa vya upinzani vya Chadema, CUF na NCCR-Mageuzi, leo vitafanya mkutano wa hadhara katika Viwanja vya Jangwani kuhamasisha wananchi wapinge kile wanachodai ni hujuma dhidi ya Mchakato wa Katiba Mpya.

Hatua ya kufanya mkutano huo, ilifikiwa jana baada ya wenyeviti wa vyama hivyo kumvamia Mkuu wa Jeshi la Polisi nchini (IGP), Said Mwema ofisini kwake wakipinga kitendo cha Kamanda wa Polisi Mkoa wa Dar es Salaam kupiga marufuku maandamano waliyokuwa wayafanye leo jijini humo.

Katika mkutano wao na IGP Mwema, viongozi hao walikubaliana maandamano hayo yasitishwe kwa sababu za kiusalama, lakini wafanye mkutano huo wa hadhara.

Wenyeviti hao wa vyama vya Upinzani, James Mbatia wa NCCR-Mageuzi, Freeman Mbowe (Chadema) na Profesa Ibrahim Lipumba (CUF), ambao walikutana na Mwema jana mchana.

Hatua ya viongozi hao ilitokana na tamko lililotolewa juzi na Kamanda wa Polisi wa Kanda Maalumu Dar es Salaam, Suleiman Kova kusitisha maandamano ya vyama hivyo yasifanyike.

Kova alitaja sababu za uamuzi huo kuwa ni kuhofia yatasababisha kusitishwa kwa shughuli za kiuchumi pamoja na kuwepo taarifa za kiintelijensia kwamba yatakuwa na vurugu.

Tamko hilo liliwakera viongozi wa vyama hivyo vitatu vilivyotangaza kushirikiana katika kupinga kile wanachodai ni uporaji wa haki ya wananchi kutunga Katiba yao.

Mazungumzo wenyeviti hao na IGP yalianza saa 6 mchana na kumalizika saa 11 jioni, ambapo walitoa taarifa ya pamoja kuhusu waliyokubaliana.

Akitangulia kutoa taarifa hiyo, kwa niaba ya wenzake, Mwenyekiti wa CUF, Profesa Lipumba alisema: “Tumekubaliana kesho tutafanya mkutano Viwanja vya Jangwani. Tumekubaliana kusitisha maandamano hadi Oktoba 5, (mwaka huu).”

Aliongeza kuwa wamekubaliana pia kwamba watafanya mkutano mwingine wa hadhara Visiwani Zanzibar, Jumatano ijayo.

Hata hivyo, katika taarifa ya pamoja, ulitokea kuhitilafiana kwa kauli, pale IGP Mwema alipokuwa akitoa ya upande wake.

Hali hiyo ilitokana na kauli ya Profesa Lipumba kusisitiza kuwa mikutano na maandamano ni haki ya msingi kwa vyama vya siasa na kwamba wanachopaswa ni kutoa taarifa kwa polisi na wala siyo kuomba kibali.

Awali, wakati Mwema akihitimisha taarifa hiyo ya pamoja alisema kuwa wanasiasa hao wanapaswa kuomba kibali cha maandamano hayo ya Oktoba 5.

Alisisitiza kuwa kazi ya polisi ni kuhakikisha usalama wa raia na mali zao, hivyo wanasiasa hao wanapaswa kuomba kibali na baada ya polisi kuchunguza watakuwa na mamlaka ya kuridhia au kukataa ombi lao.

Mwema alisema haoni haja ya kuwepo malumbano na wanasiasa hao katika suala hilo kwa sababu lengo lao ni moja nalo ni kudumisha ustawi wa jamii.

“Wote tunajenga nyumba moja, sioni sababu ya kugombania fito,” alisema Mwema.

Mzozo wa Katiba

Mzozo wa vyama vya siasa vya upinzani ulianzia kwenye Mkutano wa 12 wa Bunge uliomalizika hivi karibuni mjini Dodoma, lakini sasa umehamia nje ya Bunge na vyama hivyo vimetangaza azma ya kuanza kampeni ya kuuhamasisha umma kudai maridhiano kabla ya kuendelea na mchakato wa Katiba Mpya.

Viongozi hao wa upinzani wanadai kwamba wabunge wa CCM waliongeza baadhi ya mambo kupitia majedwali ya marekebisho.

Wanadai kuwa hali hiyo inatoa mwanya kwa Serikali inayoongozwa na CCM kupitia kwa rais kuwa na mamlaka zaidi ya uteuzi wa wajumbe husika.

Vyama hivyo viliazimia kuanza rasmi leo harakati za kuhamasisha umma kupitia maandamano na mikutano ya hadhara.

Ndoa hiyo ya wapinzani waliifunga, Septemba 15, kwa kuandika historia nyingine mpya kwenye tasnia ya siasa za Tanzania wakipinga Muswada wa Marekebisho ya Sheria ya Mabadiliko ya Katiba wa mwaka 2013.

Wanadai mapendekezo mengi yaliyomo katika Rasimu ya Katiba iliyotolewa na Tume ya Mabadiliko ya Katiba, yalipendekezwa na vyama hivyo, hivyo havitakuwa tayari kuona maoni hayo pamoja na ya Watanzania wengi yakichakachuliwa.

Wanasema muungano wao ni mwanzo wa kuunganisha umma wa Watanzania kufanya uamuzi wa kunusuru utekaji madaraka na mamlaka ya nchi kutoka kwa wananchi.

Vyama hivyo vinadai kuwa vinaungwa mkono na makundi mbalimbali yakiwamo asasi za kiraia, taasisi za dini, vyama vingine vya siasa, wasomi na taasisi za elimu.

Makundi mengine ni pamoja na vyama vya wafanyakazi, jumuiya za wakulima, wafugaji, wavuvi, sekta binafsi, watu wenye ulemavu, jumuiya za wanawake, vijana na wastaafu.

Misimamo ya wenyeviti

Profesa Lipumba anasema wanachopigania ni kuurejesha mchakato wa Katiba Mpya mikononi mwa umma, anaongeza kuwa suala hilo kwa sasa limehodhiwa na CCM.

“Tunamshauri Rais Kikwete asisaini muswada huu, aurejeshe bungeni ufanyiwe marekebisho yenye kujenga kuaminiana na mwafaka wa kitaifa kwenye mchakato wa mabadiliko ya Katiba. Hatutakwenda kumwona, ila aurejeshe bungeni,” anasema Lipumba na kuongeza:

“Mchakato huu unahitaji uvumilivu, staha na hekima na usitawaliwe na nia mbaya, ubabe, mabavu, kejeli na dharau hasa kutoka kwa watawala. Misingi hii ikipuuzwa mchakato mzima unaweza kutumbukiza taifa letu katika mpasuko, migogoro na hata machafuko.”

Mbatia anasema historia ya nchi inaonyesha kuwa waasisi wa kutaka sauti, kauli na mawazo ya umma isikike katika kudai Katiba Mpya ni vyama vya upinzani.

“CCM ndio nini… Wanatakiwa kujua kuwa Tanzania kwanza vyama baadaye, vyama vya siasa vilivyokuwa vikitawala nchini Kenya, Zambia vimekufa, lakini nchi hizo bado zipo. CCM inaweza kufa, lakini Tanzania itaendelea kubakia” anasema na kuongeza;

“CCM wakisema wapinzani tunafanya vurugu wanakosea, hatuwezi kuangamiza wazo letu la kutaka Katiba Mpya, katika taifa hili Watanzania hawajawahi kuandika Katiba iliyotokana na mawazo yao.”

Mbowe anasema wameamua kuweka pembeni tofauti zao kwa ajili ya kudai Katiba Mpya ya Watanzania wote, kwamba hata wanahabari wanatakiwa kuweka pembeni itikadi za vyombo vyao vya habari vinavyomilikiwa na vyama vya siasa, kuwa wakweli katika kudai Katiba Mpya.

“Waandishi wa habari msiwe vipaza sauti vya watawala bila kutafakari kwa kina Tanzania ya miaka 100 ijayo itakuwaje, wanahabari mnaweza kutunyima Katiba Mpya au mkatunyima kama ikitumika vibaya,” anasema.

Anaongeza kuwa amani ya nchi inaweza kuvurugwa kama mchakato wa katiba utahodhiwa na chama kimoja cha siasa (CCM), “Ikiwa hivyo, sisi hatutakubali kuwa kondoo. Wanaohubiri amani watambue kuwa kuna misingi ya kuipata amani hiyo, amani inapatikana kunapokuwepo na haki.”

Huku akinukuu kitabu cha Mwalimu Julius Nyerere cha ‘Freedom and Unity’, anasema, “Ni rahisi mno kuliwasha taifa la watu ambao wamekwazika, taifa hili watu wamekwazika sana. Mchakato wa katiba unaweza kutibu majeraha makubwa ambayo yanalikabili taifa.”

Anasema fursa adimu ya kupata Katiba Mpya inapotezwa na bunge na CCM na anasisitiza kwamba wapinzani watatumia kila aina ya mbinu kuwaelewesha Watanzania kinachoendelea ili washiriki katika kuidai katiba iliyotokana na mawazo yao.

“Wapinzani hatutarudi nyuma na hatutakubali nchi kurejeshwa chini ya uongozi wa katiba ya sasa. Hilo wenzangu (wenyeviti wenzangu) naomba mnielewe, Chadema hatukubali na naomba na nyinyi msikubali, maana ndani ya CCM kuna kundi linataka kurudi katika katiba hii tunayoilalamikia,” alisema.

Anasema katika kitabu hicho, Mwalimu Nyerere alisema, ‘Kuna siku wananchi watachagua kifo kama viongozi hawatakuwa makini’, kwamba hoja ya kutaka Amani itaharibiwa na wale wenye dola, siyo vyama vya upinzani.

Chanzo: Mwananchi

KATUNI YA WIKI NA kipanya

Shahidi wa Mramba azua mvutano wa kisheria

 

Dar es Salaam. Shahidi wa Waziri wa Fedha wa zamani, Basil Mramba, Kamishna wa zamani wa Mamlaka ya Mapato Tanzania (TRA), Felician Busigara, jana alizua mvutano mkali kati ya mawakili wa mashtaka na wale wa utetezi.

Busigara ambaye ni shahidi wa pili wa Mramba, alipanda kizimbani katika Mahakama ya Hakimu Mkazi Kisutu, ili kumtetea Mramba katika kesi ya matumizi mabaya ya madaraka katika ofisi za umma na kuisababishia Serikali hasara.

Washtakiwa wengine katika kesi hiyo ni, Waziri wa zamani wa Nishati na Madini, Daniel Yona na Katibu Mkuu wa zamani wa Wizara ya Fedha, Gray Mgonja.

Wanakabiliwa na mashtaka ya kuisamehe kodi isivyo halali, Kampuni ya Ukaguzi wa Madini ya Alex Stewart (Assayers) ya Uingereza na kuisababishia Serikali hasara ya Sh11.7 bilioni.

Mvutano huo ulizuka baada ya upande wa mashtaka, kumpinga shahidi huyo, kutoa ushahidi wake kama mtaalamu wa masuala ya kodi, ukidai kuwa upande wa utetezi haukufuata taratibu za utoaji wa maoni kama mtaalamu.

Wakati akitoa ushahidi wake huku akiongozwa na Wakili Herbert Nyange, anayemtetea Mramba, Wakili wa Serikali Mkuu, Oswald Tibabyekomya, alikuwa akinyanyuka mara kwa mara na kuweka pingamizi shahidi huyo kutoa ushahidi kama mtaalamu.Mbali na Wakili Tibabyekomya kupinga, mahakama pia ilikuwa ikihoji sababu za shahidi huyo kutoa ushahidi kama mtaalamu.

Akiongozwa na Wakili Nyange, Busigara alidai kuwa sheria ya kodi ya mapato inamtaja mwenye mamlaka ya kusamehe kodi kuwa ni Waziri wa Fedha.

“Nyange kuna haja gani ya kumleta shahidi anayezungumzia sheria, sheria zipo katika vitabu, hata wakili unaweza kuzungumzia hizo sheria katika majumuisho yako, mashahidi wako wasituambie kuhusu sheria,” alihoji Jaji Rumanyika.

Shahidi aliendelea kutoa ushahidi kwa kusoma kipengele kimoja cha mkataba kati ya Alex Stewart na BoT, akidai kuwa mkataba huo ulionyesha kwamba atakayelipa kodi ni benki na kampuni itapata fedha yake baada ya kodi.

Jambo lililosababisha Jaji Rumanyika kuingilia tena kati.

Chanzo: Mwananchi

Shambulio la Nairobi lauwa watu kadha

Watu waliokuwa na silaha wamefyatua risasi mjini Nairobi, Kenya, kwenye eneo la maduka katika mtaa wa Westlands.

Walioshuhudia tukio hilo, wanasema kuwa maguruneti piya yalitumika.

Inaarifiwa watu watano wamekufa.

Mwandishi wetu mjini Nairobi anaeleza kuwa washambuliaji inaarifiwa walivaa vilemba kama vya al-Shabaab, lakini haikuthibitishwa kama wapiganaji hao wamehusika.

Polisi waliojihami kwa silaha wamezingira jengo la maduka liitwalo Westgate, katika mtaa wa Westlands, na kuna taarifa ya watu waliojeruhiwa wakitolewa hapo kwa machera.

Inaarifiwa kuwa watu wengi wamenasa ndani ya jengo.

Magari yaliyoegeshwa nje ya maduka yameharibika

Chanzo: Mjengwablog.com

MAGAZETINI LEO JUMAMOSI TAREHE 21-09-2013 NA Chiwambo's Blog

CHAMA Cha Mapinduzi (CCM) kimemtaka Waziri wa Elimu na Mafunzo ya Ufundi, Dk. Shukuru Kawambwa kujiuzulu

CHAMA Cha Mapinduzi (CCM) kimemtaka Waziri wa Elimu na Mafunzo ya Ufundi, Dk. Shukuru Kawambwa kujiuzulu kwa kushindwa kulipa madeni ya walimu nchini.


Katibu Mkuu wa CCM, Abdulrahman Kinana pia ametoa muda wa miezi sita kwa Waziri huyo na Naibu wake Philip Mulogo kutekeleza hilo agizo hilo vinginevyo chama kitawatumia wabunge wake kuwatimua kwa nguvu.

Kwa mujibu wa taarifa za madeni zilizokusanywa na Chama cha Walimu Tanzania (CWT), hadi sasa walimu wanadai malimbikizo yao ya Sh bilioni 49 ambayo hajalipwa na Serikali.

Kinana alikuwa akihutubia mikutano ya hadhara jana katika wilaya za Bariadi na Busega.

Alisema CCM haiko tayari kuona walimu wakinyanyaswa wakati wana madai ya msingi.

Hivi sasa imejengeka tabia kwa baadhi ya mawaziri na watendaji wa wizara ya kuwadharau walimu na hata kuwanyanyasa huku wengine wakishusha utu na heshima ya walimu kwa kuwatukana, alisema.

Kinana ambaye yupo katika ziara ya mikoa ya Kanda ya Ziwa alisema kwa mawaziri kushindwa kutatua kero za walimu, imefika wakati wahusika waondoke wenyewe na wasipofanya hivyo chama kitawaagiza wabunge wake wawafukuze kwa nguvu.

“Ninatoa muda wa miezi sita kwa Waziri wa Elimu na wasaidizi wake wakiwamo watendaji kuhakikisha wanalipa madeni ya walimu haraka. Haiwezeni hii ni nchi ya watu wote wakiwamo walimu wadharauliwe na hata kunyanyaswa kwa maneno ya matusi

“Hili hapana CCM haiko tayari kuona walimu kila siku wakipigwa danadana kutokana na uzembe wa watu waliokabidhiwa dhamana za kuongoza sekta ya elimu katika nchi yetu,” alisema.

MTANZANIA ilimtafuta Katibu Mkuu wa CWT, Ezekiah Oluoch ambaye alisema hadi sasa madeni ya walimu yamefikia Sh bilioni 49 ambayo ni malimbikizo ya mishahara na mapunjo.

“Kila mara tunawaambia kuwa ni vema Serikali itafute Sh bilioni 100 katika fungu la dharura ili iweze kulipa madeni ya walimu na iachane nao lakini hawasikii,” alisema Oluoch.